فِلِيمُونْ

فْليمون كان صاحَب بولَس، كان مومَن وبولَس هُوَ اللي بَشرو بالإنجيل، كان راجَل مْرَفَّه وعَندو عْبيد.

في هَداك الوَقت، كان اقتِصاد الإمبراطورِيّة الرومانِيّة واقَف على العُبودِيّة. نَص سُكّان البْلاد كانو عْبيد وكان عِقاب العَبد اللي يَهرَب قاسي بَزّاف ويَوصَل حَتّى للموت.

أونسيموس واحَد من عْبيد فْليمون هْرَب منّو وتْلاقا مع بولَس فالحَبس، وهُوَ تاني آمَن. بولَس عاوَد بَعتو لمولاه وبْعَت معاه بْرِيّة كْتَبها لفْليمون ولكامَل جْماعة المومنين اللي كانو يَتلاقاو عَندو.

قال لوتَر: "بولَس دار قُدّام فْليمون على جال أونسيموس واش دار المَسيح قُدّام الله على جالنا: شْفَق، تْشَفَّع، رْفَد الدْيون".