العربية الجزائرية

الإنجيل بحسب البشير مرقس

كان مَرقَس مْعاوَن الرَسول بولَس، أومبَعد وَلاّ كاتَب الرَسول بُطرُس ومَنّو اللي يْكون عْرَف الشي اللي كَتبو فهاد الإِنجيل. رَكَّز هاد الإِنجيل بَزّاف على عْمال يَسوع ومُعجِزاتو وقْصَد باش يْبَيَّن الأُلوهِيّة تَعو. فأَوّل آية، يْقول مَرقَس باللي يَسوع "إبن الله"، وفالأَخَّر تَع الإِنجيل، يَستَعرَف قايَد المية: "صَح، هاد الراجَل كان إبن الله" وفالفُصول التَلطاش الأولانِيّين، يَسوع يَهدَر شْحال من مَرّة عالعْداب اللي رايَح يْجَوّزو قْبَل ما يْموت. هاد الموت هِيَ البْشارة اللي تَتكَمَّل بقْيامتو خاطَر إبن الله ما يَبقاش فالقْبَر!