العربية الجزائرية

ﺃﻓﺴﺲ

بلا شَك، البْرِيّة اللي نْكَتبَت لآفسُس، نْكَتبَت لكْنايَس بَزّاف مْتاع آسيا الصُغرى (التُرك دُرك). نْكَتبَت فالحَبس لمَسيحِيّين آصَلهُم ماشي يْهود ولَمَّت ولَخّصَت الدُروس الأخرانِيّين اللي دَرَّسهُم بولَس لهاد الكْنايَس.

في هاد البْرِيّة، هْدَر بولَس الكُترة على مَشروع الله، السَر اللي كان مْخَبّي واللي كَشفو يَسوع. هاد المَشروع كان كايَن من زْمان، وتْحَقّق بيَسوع المَسيح. يْخُص الخَلق كامَل، السْماوات والأَرض. يْوَحَّد بْني آدَم بيناتهُم ويْوَحَّد بْني آدَم مع الله. في هاد المَشروع، الكَنيسة عَندها قيمة كْبيرة.

كاتَب البْرِيّة يَهدَر على واقَع كانو الكْنايَس عايشينو ويَستَعمَل مُقارنات بَزّاف: الكَنيسة دات المَسيح، وهاد الدات غير تَكبَر. الكَنيسة دار مَبنِيّة، لْساسها المَسيح، والمَسيحِيّين يْكَمّلو يَبنيوها. الكَنيسة مَتوَحّدة مع المَسيح كيما المْرا مع راجَلها.